Самарқанд вилоятининг Нарпай туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.
Шу йилнинг 9 сентябрь куни “Оқтош” МФЙда яшовчи С.М. исмли аёл уйида оилавий жанжал оқибатида бирга яшовчи турмуш ўртоғи Н.М.нинг устига қайноқ сув сепиб юборган.
Натижада Н.М. куйиш жароҳати билан касалхонага ётқизилган. Аёл қўлга олинган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
