Бош прокуратура: пора берган ветеринария бўлими бошлиғи ушланди
Департаментнинг Фарғона вилоят бошқармаси ходимлари томонидан Департаментнинг Қўқон шаҳар бўлими инспектори Р.Б.нинг билдиргисига асосан тезкор тадбир ўтказилди, деб хабар қилмоқда Бош прокуратура матбуот хизмати.
Унда Қўқон шаҳар ветеринария бўлими фаолияти бўйича қонунбузилиши ҳолатлари аниқланганлиги сабабли, мазкур бўлим бошлиғи Э.И. унга нисбатан жиноят иши қўзғатмаслик ва ишни унинг фойдасига ижобий ҳал қилиб бериш эвазига Р.Б.га 1 млн. сўм пора беришни таклиф қилиб, Департаментнинг Қўқон шаҳар бўлими биносида 1 млн. сўмни пора тариқасида Р.Б.га берган вақтда ашёвий далиллар билан ушланган.
Мазкур ҳолат юзасидан Э.И.га нисбатан Ўзбекистон Республикаси Жиноят кодексининг 211-моддаси 1-қисми билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, аввалроқ Департамент вакилига пора берган собиқ банк ходимига нисбатан жиноят иши очилгани маълум қилинганди.
Мавзуга оид
21:10 / 20.09.2024
Пора билан ушланган Даштобод станцияси бошлиғи илгари судланмагани айтилди
11:41 / 20.09.2024
Даштобод темирйўл станцияси бошлиғи пора олган вақтида ушланди
23:02 / 13.09.2024
Қўқонда газ тўлдириш шохобчасида турган автобусда ёнғин содир бўлди
18:00 / 12.09.2024