Андижонда электрокарлар ишлаб чиқарилади

Андижоннинг Асакасида электрокарлар ишлаб чиқариш режалаштирилмоқда.

Жанубий кореялик тадбиркор, Roopertelcom Co.Ltd компанияси таъсисчиси Сунг Ин Сонг Асака туманидаги Автомобилсозлик коллежининг ишлаб чиқариш биносида Корея технологияси асосида электрокарлар ишлаб чиқариш лойиҳасини амалга оширади.

Биринчи босқич - электрокарларни йиғиш жараёнини ташкил этиш учун 200 минг АҚШ доллари қийматида тўғридан-тўғри инвестиция киритилади.

Иккинчи босқич – ишлаб чиқаришни маҳаллийлаштириш жараёнига 2 миллион АҚШ доллари киритилиши кўзда тутилган. Режага кўра, лойиҳанинг биринчи босқичида халқ хўжалиги учун техника воситаларини йиғиш билан биргаликда 100 нафар янги иш ўринлари яратилади. Шу билан биргаликда коллеж битирувчилари Кореянинг Geoje шаҳридаги кемалар ишлаб чиқарувчи заводида етук мутахассис бўлиш учун малака оширадилар.