Эронда ҳарбий парад вақтида теракт содир бўлди

Эрон жанубидаги Ахваз шаҳрида ўтказилаётган ҳарбий парад чоғида террорчилик ҳаракати содир этилди, деб хабар берди Press TV.

Телеканалнинг маълумот беришича, номаълум шахслар парад вақтида иштирокчиларга қарата ўқ узган. Бир неча киши ҳалок бўлгани айтилмоқда.

 Ўқ узган икки шахс хавфсизлик кучлари томонидан отиб ўлдирилган.

Шунингдек, йигирма киши жароҳатлангани хабар қилинган.