Табиат ўзининг хилма-хиллиги билан завқ беради. Шунинг учун баъзида одамлар энг ғайриоддий жойларда яшайдилар. Ҳозир сўз юритиладиган қишлоқларни дунё харитасидан топиш амри маҳол. Энг қизиқувчан сайёҳлар ҳам бу ерга камдан-кам ташриф буюрадилар. Бироқ бу каби жойларни кўриш керак, ахир улар бир қарашдаёқ сизни лол қолдиради.
Аогашима
Филиппин денгизидаги айнан шу номдаги оролда жойлашган. Аҳолиси сўнган вулқон кратерида истиқомат қиладиган бор-йўғи 200 кишидан иборат.
Монемвасия
Грек қишлоғи қоя ортига яширинган. Айтиш мумкинки, у катта ердан IV асрдаёқ ажралган оролда жойлашган.
Путгаль ибодатхонаси
XIX аср бошига қадар у ҳақида бирор нарса маълум бўлмаган. Бўлмасам-чи, ахир ҳинд ибодатхонаси ғорга кириш оғзидаги қояда яширинган.
Исорток
Гренландиянинг бу қишлоғида бор-йўғи 64 киши яшайди. Кўришга арзийдиган асосий маскан ҳаёт учун зарур нарсаларни сотиб олиш мумкин бўлган супермаркет.
Гасадалур
Даниядаги Фарер қирғоқлари яқинида аҳолиси 16 нафар кишидан иборат қояда жойлашган қишлоқ бор. Ажойиб гўзаллик, ғаройиб табиат, шаршара! Катта ер билан алоқалар учун туннель бор.
Хуакачина
Дарахтлар, сув омбори, меҳмонхона, кутубхонали ҳақиқий водий жойлашган Перу саҳросини тасаввур қилинг-а! Ахир бу чўлдаги жаннатнинг ўзи эмасми?
Бандиагара жарлиги
Манави уйларни кўряпсизми? Улар лойдан қўлда қурилган. Бу ерда Догон қабиласи яшайди.
Андредал
Ўтган асрнинг охирларида бу ерга олиб келадиган йўл бўлмаган. Норвегиянинг Аурландс-фьорд водийсида йўл қурилгач, одамлар маҳаллий чиройли масканлар билан танишди. Табиатидан ташқари, ишқибозлар эчки сутидан тайёрланган пишлоқ ва колбасага ҳам юқори баҳо беришади.
Фурора
Италиянинг бу қишлоғини топиш осонмас. Бироқ бу ерда яшайдиган аҳоли уларни денгизда туриб сезишлари учун уйларини ёрқин рангларга бўяшган.
Сапа
Вьетнамнинг меҳнатсевар қишлоғи. Одамлар гуруч майдонлари ва фермаларда ишлайдилар. Маҳсулот ҳатто экспортга ҳам чиқарилади.
Кубер Пэди
Кўрсичқон ер устида қолдирадиган дўнгликларга ўхшайди. Кўринишидан ҳаёт белгилари йўқдек. Бироқ бу ерда одамлар бор. Аммо улар ер остида яшайдилар. Бу ҳолдан тойдирадиган жазирамадан беркинишнинг ягона йўли. Нима ҳам қила олишарди, ахир бу оғир яшаш шароитларга эга Жанубий Австралия.
Тристан да Кунха
Тоғ остида жойлашган ва гўзал манзарага эга. Муқаддас Елена оролидаги қишлоқча ажойиб кўриниши билан кишини мафтун этади.
Монсанто
Бу жойни кўриб португалияликлар ҳақиқатан ҳам қўрқмас эканига ишонч ҳосил қиласиз.
Сузувчи ороллар
Перу ва Боливия чегаралари ана шу кўринишда. Бу жойда инк қабиласи яшайди.
Роугон
Ёввойи ҳайвонлар ва Вердон тоғ дараси бу француз қишлоғи жозибасини янада оширади.
Бу жойлардан қай бирига ташриф буюриш истаги пайдо бўлди?
