Ҳиндистон компанияси Ўзбекистонда қуёш электр станциясини қурмоқчи

Ҳиндистоннинг Shapoorji Pallonji компанияси Ўзбекистонда қуёш электр станциясини қуриш масаласини ўрганмоқда.

O‘zbekiston 24 телеканалининг «Таҳлилнома» кўрсатувида хабар қилинишича, компания учун Ўзбекистонда қуввати 50 дан 100 МВт.гача бўлган қуёш электр станцияларини қуриш бўйича инвестиция лойиҳаларини амалга ошириш қизиқдир.

Ҳозирда ҳинд компанияси қуёш электр станцияси жойлашадиган эҳтимолий жойларни, ушбу соҳада тақдим этилаётган солиқ ва божхона имтиёзларини, электр энергиясини сотиш бўйича шартнома муддатини, жалб қилинадиган молиявий воситаларга нисбатан давлат ёки суверен кафолатлар бериш шартларини ўрганиб чиқмоқда.

Самарқанд, Бухоро ва Қашқадарё вилоятларида қуёш электр станцияси қурилиши учун потенциал ҳудудлар мавжуд.