Порошенко ўзининг кемасозлик заводини сотади

Украина президенти Пётр Порошенконинг активларини бошқарувчи жамғарма «Кузница на Рибальском» кемасозлик заводини сотиш ҳақида келишиб олди. Бу ҳақда РИА «Новости» хабар бермоқда.

Маълум бўлишича, ҳозирги пайтда монополияга қарши хизматдан рухсат олиниши кутилмоқда.

Таъкидланишича, кўрсатилган завод кимёвий моддаларни олиб ўтувчи танкерлар, қуруқ юк ташийдиган кемалар, контейнер ташувчилар, балиқ овлайдиган музлатгичга эга траулерлар, махсус мақсаддаги кемалар, қозонхона ва кема таъмирлаш агрегатларини ишлаб чиқаришга ихтисослашган.

Аввалроқ, Порошенко «Халқаро инвестиция банки» (ХИБ)даги омонатлардан олган тахминан 48 минг доллар даромадни фоизлар кўринишида декларациядан ўтказгани ҳақида хабарлар тарқалганди.

Август ойи охирларида декларацияга киритилган аввалги маълумотларда президент 1,13 млн доллар миқдорида дивидендлар олганини кўрсатган.

Эслатиб ўтамиз, аввалроқ Лавров эшикни адаштириб юборган Порошенконинг устидан кулганди.