Қандай транспорт воситалари ДЙҲХХда давлат рўйхатидан ўтказилмайди?

Ўзбекистонда баъзи транспорт воситалари Давлат йўл ҳаракати хавфсизлиги хизмати органларида давлат рўйхатидан ўтказилмайди. Бу ҳақда “Ҳуқуқий ахборот” канали хабар бермоқда.

Улар:

ёпиқ жойларда ва қишлоқ хўжалигида қўлланиладиган умумий йўлларда фойдаланишга мўлжалланмаган технологик транспорт воситалари (трактор, трактор тиркамалари, қурилиш-йўл ва мелиоратив техникаси, ўзиюрар ва қишлоқ хўжалиги машиналари);

фақат конларда, шахта ва карьерларда қўлланиладиган махсус транспорт воситалари;

трамвай ва троллейбуслар;

Мудофаа Ички ишлар вазирликлари, Давлат хавфсизлик хизмати, Миллий гвардиясига тегишли бўлган ҳарбий транспорт воситалари.

Ушбу транспорт воситаларини давлат рўйхатидан ўтказиш белгиланган тартибда тегишли вазирликлар ва идоралар томонидан амалга оширилади.