АҚШ, Канада ва Мексика янги савдо келишувига эришди

Фото: REUTERS

АҚШ, Канада ва Мексика USMCA деб аталадиган янги савдо келишувига эришди. Бу ҳақда Канада ташқи ишлар вазири Христи Фриланд ва АҚШ савдо вакили Роберт Лайтхайзернинг Канада ҳукумати сайтида эълон қилинган қўшма баёнотида айтилади.

«Бугунги кунда АҚШ ва Канада, худди Мексика сингари, XXI асрнинг янги, замонавийлаштирилган савдо келишуви ҳақида келишиб олди: АҚШ, Мексика ва Канада (USMCA) келишувига эришилди», - дейилади хабарда.

Таъкидланишича, янги келишув Шимолий Америка минтақасида нисбатан эркин бозорлар, адолатли савдо ва барқарор иқтисодий ўсишга олиб келади.

Эслатиб ўтамиз, аввалроқ Хитой иқтисодиёти савдо урушидан жабр кўра бошлагани хабар қилинганди.