Фото: REUTERS
Хитой ҳукумати Америка томони билан хавфсизлик бўйича музокараларни бекор қилишга қарор қилди. Бу ҳақда Reuters манбаларга таянган ҳолда хабар бермоқда.
Мавжуд маълумотларга кўра, учрашувда АҚШ давлат котиби Майкл Помпео ҳамда мамлакат Мудофаа вазирлиги раҳбари Жеймс Мэттис иштирок этиши лозим эди.
Манбалар сўзларига кўра, тадбир Хитойда юқори мансабли амалдорлардан бири Хитой-АҚШ муносабатларида кескинликнинг ўсиш салбий натижаларга олиб келмайди, деб айтганидан сўнг бекор қилинган. Учрашув бекор қилинишининг аниқ сабаби ошкор этилмаяпти.
Эслатиб ўтамиз, аввалроқ Хитой ўзини сайловларга аралашишда айблаган АҚШга тавсия билан чиққанди.
