Ўзбекистон ва Жазоир икки томонлама муносабатларни муҳокама қилди

2018 йилнинг 15 октябрь куни Ўзбекистон Республикаси Ташқи ишлар вазирлигида Жазоир Халқ Демократик Республикаси фавқулодда ва мухтор элчиси Насер Бушерит билан учрашув бўлиб ўтди.

ТИВ хабарига кўра, учрашувда икки томонлама муносабатларнинг барча масалалари батафсил муҳокама қилинди.

Суҳбат давомида сиёсий, савдо-иқтисодий, маданий-гуманитар ва бошқа соҳалардаги Ўзбекистон-Жазоир ҳамкорлигини фаоллаштиришга томонларда ўзаро қизиқиш борлиги тасдиқланди. 

Айнан шу нуқтаи назардан турли даража ва шакллардаги бўлажак учрашувларнинг жадвали ва кун тартиби, қўшма тадбирларни ўтказиш бўйича таклифлар кўриб чиқилди.