Путин Ўзбекистон Россиянинг ишончли иттифоқчиси эканини таъкидлади

19 октябрь куни Россия Федерацияси президентини расмий кутиб олиш маросимидан сўнг Шавкат Мирзиёев ва Владимир Путин тор доирада музокара ўтказди.

Президент матбуот хизмати хабарига кўра, Владимир Путин давлат раҳбарига таклиф учун миннатдорлик билдириб, Ўзбекистон Россиянинг ишончли иттифоқчиси, стратегик шериги эканини таъкидлади.

Президентнинг Россияга ўтган йилги давлат ташрифидан кейин икки томонлама муносабатларнинг ҳамма соҳаларида асосли ўзгаришлар бўлганини, Россия мамлакатимиз билан ҳамкорликни бундан буён янада ривожлантириш ниятида эканини қайд этди. 

Учрашувда амалий ҳамкорликни кенгайтириш, турли соҳаларда янги қўшма лойиҳа ва дастурларни амалга ошириш масалалари муҳокама қилинди, халқаро ва минтақавий аҳамиятга молик масалалар юзасидан фикр алмашилди.