“Яндекс” асосчиси компаниядаги улушини сотмоқчимаслигини маълум қилди 

“Яндекс” асосчиси Аркадий Волож компанияга раҳбарлик қилишни давом эттирмоқчи ва ундаги улушини сотмоқчи эмас. Таъкидланишича, компания Воложнинг улушини сотиб олиш бўйича мунтазам таклифлар олмоқда.

The Bell нашри бир манбага иқтибос келтирган ҳолда маълум қилганидек, Сбербанк “Яндекс” акцияларининг йирик пакети – 30 фоизгачасини сотиб олиш бўйича музокаралар олиб бормоқда.  

Бироқ кейинроқ Россиянинг энг йирик банки матбуот хизматида банк “Яндекс”нинг акцияларини сотиб олиш бўйича таклиф олмагани ва компанияга бундай таклиф билан чиқмагани маълум қилинган.  

“Биз “Яндекс”га 21 йил аввал асос солганимизда, у дунё даражасидаги технологик компанияга айланишини тасаввур ҳам қилмаганмиз. Мен компанияга раҳбарлик қилишни давом эттирмоқчиман ва компаниядаги улушимни сотмоқчи эмасман”, деб айтган Волож.

“Матбуотда “Яндекс”нинг акциядорлик капиталида бўлиши мумкин бўлган ўзгаришлар ҳақидаги таклифлар пайдо бўлди. Шу сабабли “Яндекс” жамоаси шуни таъкидлайдики, учинчи томонлардан мунтазам равишда турли таклифлар олади, бироқ компания сиёсатига мувофиқ турли миш-мишларга изоҳ бермайди. Компания директорлар кенгаши ва тегишли қўмиталар компания капитали структурасига тегишли масалаларни ишчи тартибда мунтазам кўриб чиқадилар”, деб қўшимча қилинган компанияда.