"Яндекс" қайта шакллантирилгандан кейин хусусий компания сифатида қолади

Яндекс бошқарув жамоаси махсус акциядорлик ҳуқуқларини олади ва Москва биржасида рўйхатга олинадиган компанияни бошқаришда давом этади.

Нидерландиянинг Yandex N.V. компанияси Яндекс бизнесини 475 миллиард рублга сотиш бўйича хусусий инвесторлар консорциуми билан битим тузди. Эндиликда Yandex N.V. гуруҳнинг асосий компанияси ҳисобланмайди, янги бош компания хусусий ва мустақил равишда акциялари Москва биржасида сотиладиган Халқаро Акциядорлар компанияси (MKAO) "YANDEX" бўлади.

Яндекс жамоаси гуруҳининг бизнеслари, хизматлари ва активлари ўзида сақланиб қолади, хорижий стартаплар (Nebius, Toloka, Avride и TripleTen) ва Финляндиядаги маълумотлар маркази бундан мустасно.

MKAO "Яндекс" нинг асосий эгаси Yandex менежерлари бошчилигидаги "Консорциум.Первый" ёпиқ инвестиция фонди, шунингдек, тўртта мустақил ва хусусий иштирокчи компаниялар бўлади. Компания таъкидлаганидек, акциядорларнинг ҳеч бири компаниянинг назорат пакетига эга бўлмайди.

Yandex бошқарув жамоаси компания бошқарувини ва "Менежерлар жамғармаси"ни яратиш орқали асосий қарорларни қабул қилиш ҳуқуқини сақлаб қолади. Ушбу фонд директорлар кенгаши ва акциядорларнинг умумий йиғилишида алоҳида масалалар бўйича қарорлар қабул қилинганда алоҳида ҳуқуқ ва вето ҳуқуқига эга бўлади.

Янги тузилма инвесторлар, ҳамкорлар, фойдаланувчилар ва ходимларга компания бизнесининг истиқболлари ва барқарорлигига ишончни таъминлаб, Yandex'даги одатий бошқарув жараёнларини сақлаб қолишга ваъда беради. Yandex бизнесини сотиш бўйича битим Yandex N.V. акциядорлари ва назорат қилувчи органлар томонидан тасдиқланиши керак.

#Yandex