Трамп АҚШга келаётган мигрантларга чақириқ билан чиқди

Фото: Carlos Barria/Reuters

АҚШ президенти Дональд Трамп Марказий Америкадан келаётган мигрантларни Мексикага бошпана сўраб мурожаат қилишга чақирди.

Бу ҳақда у твиттердаги саҳифасида ёзган.

«Ҳозирги пайтда жанубда чегарамиздан ўтаётган ноқонуний мигрантлар оқимини тўхтатиш учун барча саъй-ҳаракатлар олиб борилмоқда. Аввалига одамлар Мексикага бошпана сўраб мурожаат қилишлари керак, акс ҳолда АҚШ уларга рад жавоби беради», - дея ёзган Қўшма Штатлар етакчиси.

Эслатиб ўтамиз, аввалроқ Трамп самолётдаги фавқулодда вазиятдан сўнг рафиқасини мақтаганди.