Қорақалпоғистон Республикаси Фавқулодда вазиятлар бошқармасидан олинган маълумотга асосан, жорий йилнинг 22 октябрь куни соат 08:05ларда Беруний тумани ҳудудидан ўтувчи А-380 «Бухоро-Нукус-Беруний» автомобиль йўлининг 680-км.да ҳаракатланиб кетаётган «Нексия» русумли автомобиль бошқарувни йўқотган.
ФВВ матбуот хизматига кўра, у қарама-қарши йўналишда ҳаракатланиб келаётган «Кобальт» русумли автомобиль билан тўқнашув содир этган.
ЙТҲ натижасида 5 нафар фуқаро вафот этган ва 5 нафар фуқаро тан жароҳати олган. Жароҳатланган фуқаролар Беруний тумани касалхонасига ётқизилган.
Содир бўлган ЙТҲ юзасидан дастлабки терговолди текширув ишлари олиб борилмоқда.