Нью-Йоркдаги Time Warner Center биноси эвакуация қилинди

Фото: REUTERS/Kevin Coombs

CNN телекомпанияси ходимлари жойлашган Нью-Йоркдаги Time Warner Center биносида почта жўнатмалари орасида шубҳали буюм топилгани сабабли эвакуация бошланди. Бу ҳақда телекомпаниянинг ўзи хабар қилди.

Бинога портлаш техникаси мутахассислари, махсус бўлинма ва полиция машиналари етиб келган. Эвакуация ёнғин тревогаси сигнали ёқилганидан сўнг бошланган.

CNN хабарига кўра, полиция ходимлари Оқ уйга, собиқ президентлар Барак Обама ва Билл Клинтонларга жўнатилган шубҳали пакетга ўхшаш пакетни текширишмоқда.

Шубҳали пакет махсус контейнерга солиб бинодан олиб чиқилади ва хавфсизлик мақсадида портлатиб юборилади, деган полиция вакили.

Тайёрлаган: Дилшод Аскаров

#Нью-Йорк #бомба