Ҳиндистон баллистик ракетани синовдан ўтказди  

Ҳиндистон стратегик кучлари кичик масофаларга мўлжалланган ва ядровий заряд таший олувчи Agni-I баллистик ракетасининг модернизация қилинган версиясини синовдан ўтказди. 

Маълум қилинишича, ракета Бенгал кўрфази, Абдул Қалам оролидаги полигонда жойлаштирилган пуск қурилмасидан отилган. 

12 тонна келувчи Agni-I ракетаси 700-900 кмгача уча олади. У ҳам ядровий, ҳам оддий жанговар каллак билан жиҳозланиши мумкин.

Ҳиндистон стратегик кучлари қуролланишида бўлган ушбу қуролнинг аввалги синови 6 февралда ўтказилган. Айни вақтда Ҳиндистон Agni-I мажмуасининг 75 тага яқин пуск қурилмасига эга.