Россия чегарасини 43 марта ноқонуний кесиб ўтган ўзбекистонлик таксичи қамалди

Астрахан области Красноярск тумани суди Россия билан чегарани 43 марта ноқонуний кесиб ўтган Ўзбекистон фуқаросини 1,5 йил муддатга ҳукм қилди.

«Обзор» маълумотига кўра, ушбу шахсга Россияга кириш тақиқланганди, аммо у 2014-2015 йилларда камида 43 марта Россия чегарасини кесиб ўтган.

Қайд этилишича, РФ Жиноят Кодекси 322 моддаси 2-қисми («РФ давлат чегараларини ноқонуний кесиб ўтиш») бўйича 4 йилгача муддатга озодликдан маҳрум этиш ёки 300 минг рубль (37,3 млн. сўм) миқдорида жарима қўллаш белгиланган.