ФҚБ миллиардер Стейерга юборилган яна бир шубҳали посилкани аниқлади

Том Стейер/Фото: AP

ФҚБ америкалик миллиардер Том Стейер номига юборилган яна бир шубҳали посилкани аниқлади. Бу ҳақда ташкилотнинг твиттердаги саҳифасида хабар берилган.

Таъкидланишича, посилка 1 ноябрь куни кечқурун тутиб олинган. Шу билан бирга, у Стейерга юборилаётган навбатдаги шубҳали буюмга айланди.

«ФҚБ кеча кечқурун Калифорнияда ташқи кўриниши бошқа шубҳали нарсаларга ўхшаш бўлган посилка тутиб олинганини тасдиқлайди», - дейилади баёнотда.

Эслатиб ўтамиз, аввалроқ АҚШда почта орқали бомба жўнатишда гумонланаётган шахснинг режалари аниқланганди.

NBC News хабарига кўра, бир неча сиёсатчиларнинг манзилларига бомба юборишда гумон қилинаётган Цезарь Сайок 100 кишидан иборат қурбонлар рўйхатига эга бўлган.