Эронда АҚШга қарши намойишлар бўлиб ўтмоқда
Теҳрон ва Эроннинг бошқа шаҳарларида 4 ноябрда АҚШга қарши оммавий намойишлар бўлиб ўтмоқда. Намойишларда бир неча минг киши иштирок этмоқда.
Таъкидланишича, намойишчилар АҚШга қарши шиорларни ҳайқириб, қўлларида АҚШ президенти Дональд Трамп мазах қилинган плакатлар кўтариб олишган ҳамда АҚШ байроқлари ва доллар банкноталарини ёқишмоқда.
Эрондаги намойишлар 1979 йилда ислом инқилоби вақтида АҚШнинг Теҳрондаги элчихонаси босиб олинишининг 39 йиллигида бўлиб ўтмоқда. Ўша воқеада эронлик радикал талабалар 444 кун давомида 50 дан кўпроқ америкалик дипломатни гаровда ушлаб турган. Ўшанда АҚШ Эрон билан дипломатик муносабатларни узган.
3 ноябрда Эрон олий етакчиси Оятуллоҳ Али Ҳоманаий твиттердаги саҳифасида 40 йил ичида “Вашингтоннинг ҳарбий, иқтисодий ва ахборий адовати” мағлубиятга учраганини айтган.
5 ноябрда АҚШнинг Эронга қарши янги санкциялари кучга киради. Санкциялар мамлакатнинг банк ва нефть секторларини қамраб олади ва Эрон иқтисодиётини батамом фалажлаши мумкин.
Мавзуга оид
22:37 / 28.09.2024
АҚШда «Хелен» тўфони оқибатида 50 дан ортиқ инсон ҳалок бўлди
20:12 / 28.09.2024
Эрон олий раҳнамоси «Ҳизбуллоҳ» раҳбари ўлдирилганидан кейин хавфсиз жойга кўчирилди
18:53 / 28.09.2024
АҚШ Давлат котиби Марказий Осиё давлатлари ташқи ишлар вазирлари билан учрашди
13:13 / 28.09.2024