АҚШ Эроннинг Чобохор портини санкциялар остидан чиқарди

АҚШ Эроннинг Афғонистон ва Ҳиндистон томонидан энергия захираларини ташиш учун ишлатилувчи Чобохор портини санкциялар таъсири остидан чиқарди. 

“Давлат котиби узоқ мулоҳазалардан кейин Афғонистон томонидан носанкциявий маҳсулотларни ташиш учун қўлланувчи Чобохор порти ва у билан боғланадиган темир йўл қурилишини санкциялар остидан чиқаришга қарор қилди”, дейилган АҚШ давлат департаменти хабарида. 

“АҚШ президентининг Жанубий Осиёдаги стратегияси Афғонистон иқтисодиёти ўсишини қўллаб-қувватлаш ҳамда Ҳиндистон билан ҳамкорликни ривожлантиришга қаратилган. Биз бу сиёсат доирасида Эронга максимал босимни сақлаб қолган ҳолда ушбу икки давлат билан ҳамкорликни мустаҳкамлаш ниятидамиз”, деб қўшимча қилинган давлат департаментида.