Шоҳжаҳон Эргашевнинг навбатдаги рақиби аниқ бўлди

Ўзбекистонлик профессионал боксчи Шоҳжаҳон Эргашев 10 ноябрь куни ўзининг навбатдаги жангини ўтказади. Унга навбатдаги жангда америкалик Зак Рэмси рақиблик қилади.

Маълумот учун, Зак шу кунгача профессионал рингда 12та жанг ўтказиб, уларнинг 8тасида ғалаба қозонган (4таси нокаут эвазига). 4та жангда мағлуб бўлган (2та нокаут).

Шоҳжаҳон Эргашев эса профессионал боксдаги фаолияти давомида 14та жанг ўтказиб, уларнинг барчасини ўз фойдасига ҳал қилган. 13та жангда муддатидан олдин ғалаба қозона олган.

У охирги жангини 19 август куни Москвада ўтказган, WBA International камарини ҳимоя қилиш жангида угандалик Жума Васвани нокаутга учратганди.