Мессининг дубли «Барселона»га ёрдам бера олмади

Каталониянинг «Барселона» клуби Ла Лиганинг 12-турида «Бетис»ни қабул қилди. Барселонадаги «Камп Ноу» стадионида кечган учрашув меҳмонларнинг 4:3 ҳисобидаги ғалабаси билан якунланди.

«Бетис» ҳимоячиси Эктор Фирпо ва хавбек Хоакин Санчес биринчи бўлимда биттадан гол урди ва меҳмонлар биринчи бўлимни 2:0 ҳисобидаги устунликда якунлашди.

Иккинчи бўлим бошида Месси пенальтидан ҳисобни қисқартирди, кўп ўтмай Жовани Ло Чельсо меҳмонларнинг учинчи голини урди, 79-дақиқада «Барселона» яримҳимоячиси Артуро Видаль ҳисобни яна қисқартирди, аммо 81-дақиқада Ракитич қизил карточка олиб майдонни тарк этди ва мезбонлар бир киши кам бўлиб қолишди. 83-дақиқада Серхио Каналес тўртинчи голни урди. Ўйинга қўшиб берилган дақиқаларда Лионель Мессининг иккинчи голи жамоани мағлубиятдан қутқариб қололмади.

Каталонлар клуби учун бу Испания чемпионатидаги мағлубиятсиз сериянинг тўхтатилиши бўлди. Бунгача амалдаги чемпионлар 3 учрашувда ғалаба қозониб, 2 бор дуранг ўйнашганди. «Бетис» эса «Барселона»ни мағлуб этиш орқали 4 учрашув давом этган ғалабасиз сериясига якун ясади.

Эндиликда «Барселона» 24 очко билан турнир жадвалида пешқадамлик қилмоқда, «Бетис» 16 очкоси билан 12-ўринда жойлашган.

Испания чемпионати
12-тур
Барселона – Бетис 3:4 (0:2, 3:2)
Голлар: 0:1 – 20 Фирпо, 0:2 – 34 Санчес, 1:2 – 68, пенальти Месси, 1:3 – 71 Ло Чельсо, 2:3 – 79 Видаль, 2:4 – 83 Каналес, 3:4 – 90 Месси.
Барселона – тер Стеген, Пике, Альба, Серджи Роберто, Лангле, Ракитич, Бускетс (Аленья, 69), Артур (Видаль, 46), Малком (Мунир, 57), Месси, Суарес.
Бетис – Лопес, Бартра, Сидней, Фирпо, Манди, Санчес (Каналес, 62), Ло Чельсо (Инуи, 87), Вильям Карвалью, Гуардадо, Тельо, Морон (Леон, 76).
Огоҳлантиришлар: Гуардадо (24), Ракитич (44), Бускетс (59), Манди (69), Видаль (73).
Четлатиш: Ракитич (81).