![](https://storage.kun.uz/source/3/69-HjJQzIICOGIV0Kzz8q3LfBZS2Bby7.jpg)
Фото: БЕЛТА
Беларусь президенти Александр Лукашенконинг маълум қилишича, мамлакатда 100 фоизлик энергетик мустақиллик ва хавфсизликка эришиш зарур. Бу ҳақда «БелТА» хабар бермоқда.
«Ҳукумат мамлакатда ёқилғи-энергетика мувозанати прогнозини шакллантириши керак. Шунингдек, мақсад белгиланди - 100 фоизлик энергетик мустақиллик ва хавфсизлик», - деди Лукашенко.
Бундан ташқари, у мамлакат энергетика тизимини миллий иқтисодиётнинг энг мураккаб ва сезиларли тармоқларидан бири, деб атаган.
Эслатиб ўтамиз, аввалроқ Лукашенко КХШТ бош котиби лавозимига номзодлар ҳақида гапирганди.