Lukashenko KXShT bosh kotibi lavozimiga nomzodlar haqida gapirdi

Belarus prezidenti Aleksandr Lukashenkoning ma'lum qilishicha, Minsk Kollektiv xavfsizlik shartnomasi tashkilotining (KXShT) bosh kotibi lavozimi uchun uch nomzodni taklif etishga tayyor. Bu mamlakatga tashkilot rahbarini tayinlash huquqi o‘tadigan bo‘lsa, yuz beradi, deb xabar qilmoqda RIA «Novosti».

Uning qayd etishicha, Belarus KXShTda Armanistondan keyin alifbo tartibi bo‘yicha navbatdagi mamlakat hisoblanadi. Lukashenkoning so‘zlariga ko‘ra, Minsk bu lavozimga kimnidir taklif qilishga tayyor turishi kerak.

«KXShT apparati rahbarini tayinlash masalasiga kelsak... Tabiiyki, ko‘p variantlar bor edi, bu biz Armanistonni kamsitdik, biz tufayli u yerda kimdir g‘alaba qozondi, kimdir mag‘lub bo‘ldi, degani emas», - deya aytib o‘tdi Lukashenko Ozarboyjonning Belarusdagi elchisi Latif Gandilov bilan uchrashuv davomida. 

Eslatib o‘tamiz, avvalroq YeXHT bosh kotibi Lukashenkoning Donbass bo‘yicha g‘oyalarini maqtagandi.