Европа парламентининг ЕИ қатор давлатларидан бўлган аъзолари Amazon раҳбари Жефф Безосга мурожаат билан чиқиб, уни сайтда советлар рамзлари бўлган буюмларни сотишдан воз кечишга чақиришди. Бу ҳақда Delfi хабар бермоқда.
Таъкидланишича, бундай мактубни юбориш ташаббуси билан Литва парламентарийси Антанас Гуога чиққан.
Мурожаат матнида айтилишича, Европа парламенти вакиллари «советлар ва нацистлар режими» рамзларидан фойдаланишни қоралайдилар. Уларнинг билдиришича, режимлар «инсон ҳуқуқларини мунтазам равишда бузган, эркинлик ва демократияни чеклаган».
Эслатиб ўтамиз, аввалроқ СССР собиқ президенти Михаил Горбачёв янги қуролланиш пойгаси бошлангани ҳақида маълум қилганди.