Илон Маск компанияси Лос-Анжелес остидан ўтувчи илк туннели қурилишини якунлади

Америкалик миллиардер ва тадбиркор Илон Маскнинг The Boring Company компанияси Лос-Анжелес остидан ўтувчи илк туннелини қуриб битказди. 3,2 кмлик туннелни қазишга деярли 2 йил вақт кетган. Туннел ўтказилиши якунлангани ҳақида Маскнинг ўзи твиттерда маълум қилган. 

Туннел дастлаб автомобиллар учун мўлжалланган, бироқ Маск ўз ғоясини пиёдалар, жамоат транспорти ва велосипедчилар фойдасига ўзгартирган. Унинг айтишича, туннел 10 декабрда очилади: биринчи кун у бепул бўлади, бироқ кейинги кундан унга кириш бир доллар туради.

Лос-Анжелес остидан ўтувчи туннелда автомобиллар юкланган платформалар ҳаракатланади, бироқ секин-аста унда Маск айтган капсулалар ҳам қўллана бошланади. 

Компанияда, шунингдек, Вашингтон ва Балтимор шаҳарлари ўртасида 16,5 км туннел қазишга рухсат бор. Бундан ташқари, Чикагода ҳам туннел ўтказилмоқчи. 

Лос-Анжелес остидан ўтувчи туннел 2017 йил январда қурила бошланган. Ўшанда Маск “нима қилаётганини ўз билмаслигини” айтган.