Германия «Шимолий оқим - 2» ва Керч бўғозидаги вазиятни аралаштирмасликка чақирди

Германия иқтисодиёт вазири Петер Альтмайернинг маълум қилишича, мамлакатининг «Шимолий оқим - 2» газ қувури лойиҳасига бўлган садоқати Керч бўғозидаги вазиятни юмшатишга қаратилган саъй-ҳаракатларга таъсир кўрсатмайди. Бу ҳақда Reuters хабар берди.

Альтмайердан Германиянинг Россиядан Европага Украинани четлаб ўтган ҳолда газ қувури қуриш устида ишлашга розилиги, Россия-Украина муносабатларидаги кескинликни камайтириш бўйича саъй-ҳаракатларга путур етказаётгани ҳақидаги хабарларга изоҳ сўрашди.

«Бу иккита алоҳида масала», - дея таъкидлаб ўтди вазир.

Шунингдек, у Керч бўғозидаги ҳодисадан кейин қўлга олинган украиналик денгизчиларни озод қилишга чақирди. 

Эслатиб ўтамиз, аввалроқ Порошенко Россия билан кенг миқёсли уруш хавфи ҳақида маълум қилганди.