Трамп Ким Чен Иннинг “барча истакларини бажаришга” ваъда берди

АҚШ президенти Дональд Трамп Жанубий Корея президенти Мун Чжэ Индан Шимолий Корея раҳбари Ким Чен Ин унга ёқишини ва Корея яримороли тўлиқ ядровийсизлангандан кейин унинг “барча истакларини бажаришга” ваъда беришини етказиб қўйишни сўраган.

“Хабар шундан иборатки, Трамп Ким ҳақида яхши фикрда ва у унга ёқади”, деб айтган Жанубий Корея президенти Аргентинада ўтган “Катта йигирматалик”дан Янги Зеландияга йўл олаётган самолётда журналистларга. 

Мун Чжэ Ин яқин орада Шимолий Корея етакчисини Сеулда қабул қилмоқчи. 

Трамп ўз навбатида Ким Чен Ин билан январь ёки февралда учрашиши ва бир кун келиб Кимни АҚШга таклиф қилишини маълум қилган.