Кремль АҚШ билан мулоқот ўрнатиш учун «уй вазифаси» ҳақида маълум қилди

Россия президенти матбуот котиби Дмитрий Песковнинг билдиришича, РФ ва АҚШ «уй вазифаси» бажарганига қарамасдан, ҳар икки мамлакат ўртасидаги муносабатлар яхши шаклланмаяпти. Бу ҳақда «РИА Новости» хабар берди.

Песковнинг сўзларига кўра, икки мамлакат ўртасида мулоқот ўрнатиш бўйича режалар бир неча бор «сўнгги лаҳзада қайта ишланди».

«Мулоқот чиндан ҳам яхши шаклланмаяпти. Бу, айтайлик, маълум бир режалар, ҳар икки томон ҳам уй вазифасини бажарганига қарамай кузатиляпти», - дея таъкидлаб ўтди Песков.

Президент матбуот котибининг қайд этишича, Кремль шу муносабат билан афсусланмоқда.

Эслатиб ўтамиз, аввалроқ АҚШ элчиси Россия фитналардан воз кечмаслиги, Польша руслар тажовузидан ҳимоя қилувчи қўрғон эканини маълум қилганди.