Қўшимча функционаллар
-
Тунги кўриниш
Арманистон собиқ президенти Роберт Кочарян ҳибсга олинди
Фото: REUTERS
Арманистон апелляция суди мамлакатнинг собиқ президенти Роберт Кочарянни ҳибсга олишга ҳукм чиқарди. Бу ҳақда Кочаряннинг адвокати Айк Алумян маълум қилди.
"Апелляция суди биринчи инстанция судининг қарорини ўзгаришсиз қолдирди ва шикоятимизни рад этди. Бу эса Кочаряннинг ҳибсга олинишини билдиради", — деди Алумян журналистларга.
Июлда махсус тергов хизмати 2008 йил 1 мартдаги норозилик намойишларини бостириш иши доирасида Кочарянга конституцион тузумни ағдариш бўйича айблов эълон қилганди. Эртасига Кочарян икки ойга ҳибсга олинганди.
Ҳимоячилар апелляция судига шикоят қилганидан сўнг биринчи инстанция судининг қарори бекор қилинганди.
Махсус тергов хизмати Кочаряндан ташқари, собиқ мудофаа вазири Микаел Арутюнян ва КХШТнинг собиқ бош котиби Юрий Хачатуровга нисбатан ҳам айблов эълон қилганди. Хачатуров гаров эвазига озодликка чиқарилган, Арутюнян эса қидирувга берилган.
Мавзуга оид
09:23 / 05.12.2024
Пашинян: Арманистон КХШТ билан муносабатларда ҳал қилувчи нуқтадан ўтди
21:21 / 14.11.2024
Пашинян Арманистоннинг Мустақиллик декларациясини энг катта муаммо ва фожиа деб атади
14:26 / 13.11.2024
БМТ суди: Арманистон ва Озарбойжоннинг даъволари бизнинг юрисдикциямизда
10:10 / 09.10.2024