Чехияда Россия махсус хизматларидан бирининг тармоғи йўқ қилингани айтилди

Фото: РИА Новости / Стрингер

«Жорий йилда Чехияда Россия махсус хизматларидан бирининг тармоғи йўқ қилинди», деди мамлакат хавфсизлик ва ахборот хизмати (контрразведка) раҳбари Михал Коуделка.

«Кейинги беш йилда биз ўнлаб россиялик ва хитойлик офицерларнинг фаолиятига тўсқинлик қилдик – уларга аккредитация бермадик ёки мамлакатдан "тинчгина" чиқиб кетишларига эришдик. Жорий йил бошида мамлакатда фаолият олиб бораётган Россия разведка хизматларидан бирининг разведка тармоғини йўқ қилдик ва унинг фаолиятини бутунлай тугатдик», деди у.

Коуделканинг айтишича, апрель ойи бошларида Чехияни «дипломатик ниқоб остида фаолият олиб борган уч нафар россиялик разведкачи офицер» тарк этган.