Ҳиндистон ядровий заряд таший оладиган Agni-V қитъалараро баллистик ракетасини синовдан ўтказди, деб хабар берди PTI агентлиги.
Ракета 10 декабрь куни Одиша штатидаги Абдул Калам оролидан учирилган. Agni-V илк бор 2012 йилда синовдан ўтказилган, 2018 йил январь ва июнь ойларида ҳам синовлар амалга оширилганди.
Agni-V 5 мингдан 8 минг километргача масофага учади. Унинг қиймати 2,5 млрд рупий ($480 млн) деб баҳоланмоқда.
Ҳозирда Ҳиндистонда 10 минг километргача ва сувости кемасидан ҳам уча оладиган Agni-6 ракетаси ишлаб чиқилмоқда.