Ўзбекистонда енгил автомобиллар ишлаб чиқариш 41 фоизга ошди

Фото: drive2.ru

Ўзбекистонда автомобиллар ишлаб чиқариш ҳажми ўсишда давом этмоқда, бундан Давлат статистика қўмитаси маълумотлари дарак беряпти.

Хусусан, 2018 йилнинг январь-ноябрь ойларида 174 570 дона енгил автомобиль ишлаб чиқарилди, 2017 йилнинг шу даврида бу кўрсаткич 123 701 донани ташкил этган. Шу тариқа, ўсиш 41 фоизга тенг бўлди.

Юк автомобиллари ишлаб чиқариш ҳажми ҳам ошди - 7,2 фоизга (3 785 дона).

Автобуслар ишлаб чиқариш даражаси пасайишда давом этмоқда - ўтган 11 ой давомида 733 дона автобус ишлаб чиқарилди, ўтган йилнинг шу даврида бу рақам 915 донага тенг бўлганди.

Тракторлар ишлаб чиқариш кескин кўпайди - 760 донадан 2 976 донагача. Қарийб 4 баробарга.

#Автомобиль #статистика