Афғонистон бош вазири 2019 йилги президент сайловида иштирок этмоқчи

Фото: ИЗВЕСТИЯ/Александр Казаков

Афғонистон бош вазири Абдулла Абдулла 2019 йил апрелда бўлиб ўтадиган президент сайловида иштирок этиш ниятида, деб хабар берди 1TV телеканали.

Телеканалнинг билдиришича, Абдулла 2009 ва 2014 йилги президент сайловларида ўз номзоди билан иштирок этган.

Афғонистонда президент сайлови 2019 йилнинг 20 апрелида бўлиб ўтади.

Аввалроқ Афғонистон олий тинчлик кенгаши раҳбари ўринбосари Атоулло Салим расмий Қобул ва "Толибон" ҳаракати ўртасидаги тинчлик музокаралари президент сайловигача бошланиши ҳақида маълум қилганди.