Президент: «Маҳсулотларимизга бозор топишимиз керак»

Ўзбекистон президенти Шавкат Мирзиёев 2019 йил учун мўлжалланган энг муҳим устувор вазифалар ҳақидаги Мурожаатномасида экспорт мавзусига тўхталиб ўтди.

«Келгуси йили экспорт ҳажмини 30 фоизга ошириб, 18 миллиард долларга етказиш мақсад қилинган.

Экспорт билан шуғулланмаган ташкилотнинг келажаги йўқ. Маҳсулотимиз учун бозор топишимиз керак. Топмасак, ривожланиш бўлмайди. Топиш учун ҳар бир корхона энг билимли мутахассислар ҳамда замонавий технологиялар олиб келишига мажбур қиламиз.

Таннархни камайтирмай туриб, бозор тополмаймиз. Акс ҳолда рақобатбардош бўла олмаймиз», деди президент.