«Барселона» ва «Реал» франциялик ёш хавбекка таклиф билан чиқди

Фото: Getty Images

«Барселона» ва «Реал» клублари «Тулуза» яримҳимоячиси Жан-Клер Тодибога қизиқиш билдиришмоқда. Ҳар иккала клуб ҳам 19 ёшли футболчи учун таклиф жўнатиб улгуришган, деб ёзади Mundo Deportivo.

Тодибо «Тулуза»нинг асосий жамоасига шу йил қўшилди. Унинг француз клуби билан келишуви келаси йил ёзгача мўлжалланган.

Жан-Клерга «Байер», «Лейпциг» ва «Ювентус» каби клублар ҳам бефарқ эмаслиги айтилмоқда.

Франция чемпионатининг жорий мавсумида Тодибо 10та ўйинда майдонга тушди. «Тулуза» биринчи даврани 13-ўринда якунлади.