Бир неча уй ва квартираларга эга шахслар учун солиқ миқдори оширилади

Ўзбекистонда бир неча уй-жойга ва дала ҳовлига эга шахслар учун юқори ставкада мулк солиғи жорий қилиниши режалаштирилмоқда. Фуқаролар иккинчи ва ундан кейинги уй-жой фонди объектлари учун юқори миқдорда солиқ тўлайдилар.

Бу ҳақда «2019 йилги асосий макроиқтисодий кўрсаткичлари прогнози ва давлат бюджети параметрлари ҳамда 2020-2021 йилларга бюджет мўлжаллари тўғрисида»ги Президент қарорида белгилаб қўйилган.

Ҳужжатга кўра, Молия вазирлигига Ўзбекистон Республикаси Давлат солиқ қўмитаси билан ҳамкорликда 2019 йил 1 майига қадар, халқаро тажрибани ўрганган ҳолда, жисмоний шахсларнинг иккинчи ва ундан кейинги уй-жой фонди объектлари учун юқори ставкадаги солиқларни жорий қилиш бўйича Вазирлар Маҳкамасига таклиф киритиш топшириғи берилган.