Украинада президент сайлови кампанияси бошланди  

Украинада навбатдаги президент сайлови кампанияси расман бошланди. Сайловларнинг ўзи 2019 йил 31 мартда бўлиб ўтади.

31 декбардан 3 февралгача Украина марказий сайлов комиссияси номзодларнинг ҳужжатларини қабул қилади. 8 февралгача номзодлар рўйхатга олинади, сўнгра Украина президенти лавозимига даъвогарларнинг якуний рўйхати эълон қилинади. 

“Рейтинг” социологик гуруҳи сўровларига кўра, украиналиклар орасида “Батькившина” партияси етакчиси Юлия Тимошенко энг катта қўллаб-қувватловга эга (13,3 фоиз). Амалдаги президент Пётр Порошенконинг сайловчилар орасидаги рейтинги 7,6 фоизни ташкил қилмоқда.