ОАВ: Трамп АҚШ қўшинларини Суриядан олиб чиқиш муддатини узайтирди

АҚШ президенти Дональд Трамп америкалик ҳарбийларга Сурияни тарк этиш учун тўрт ой вақт берди. Бу ҳақда The New York Times газетаси Оқ уйдаги манбаларга асосан ёзмоқда.

Нашр маълумотларига кўра, Ироққа ташрифи чоғида Трамп ИШИД террорчилик гуруҳи билан курашишга қаратилган Inherent Resolve («Бузилмас қатъийлик») амалиёти қўмондони билан учрашган. Газетадан айтишларича, бу суҳбат давомида Трамп уни америкалик қўшинларда Сурияни тарк этиш учун тўрт ой вақт борлигига ишонтирган.

Дастлаб, АҚШ қўшинларини Суриядан олиб чиқиб кетиш 60 кундан 100 кунгача давом этади, деб тахмин қилинганди.

Эслатиб ўтамиз, аввалроқ Оқ уй Трамп Сурия бўйича қарорини бекор қилмаслиги ҳақида маълумот берганди.