Фото: Getty Images
Бразилиянинг «Фламенго» клуби ҳужумкор яримҳимоячиси Лукас Пакета «Милан» аъзосига айланди.
«Россонери» расмий сайтида маълум қилинишича, 21 ёшли хавбек миланликлар билан 2023 йил ёзигача муддатга шартнома имзолаган.
Рио-де-Жанейро клуби ушбу трансферни октябрь ойидаёқ тасдиқлаган эди. Трансфер қиймати 35 млн еврони ташкил этгани айтилмоқда.
Пакетани таништирув маросими сешанба кунига белгиланган. У душанбадан янги жамоаси машғулотларига қўшилади.
Пакета «Фламенго»нинг асосий жамоасида 2016 йилдан буён тўп суриб келади. У 2018 йилда Бразилия терма жамоасида дебют қилган эди.
