Британия Ўзбекистондаги лабораторияларни замонавий стандартларга мослаштиради

Санитария-эпидемиологик осойишталик ва жамоат саломатлиги қўмитаси раиси Баҳодир Юсупалиев ва Британиянинг Intertek компанияси минтақавий директори Ирина Баэренвалд ўртасида онлайн учрашув бўлиб ўтди.

Фото: Дунё

Ўзбекистон элчихонаси кўмагида ташкил этилган мулоқот чоғида Санитария-эпидемиологик осойишталик ва жамоат саломатлиги қўмитасига қарашли лабораторияларни модернизация қилиш ва уларни замонавий стандартларга мослаштириш бўйича ҳамкорлик истиқболлари кўриб чиқилди.

Intertek компанияси маҳсулотларни синовдан ўтказиш ва сертификатлаш бўйича дунёдаги етакчи трансмиллий компаниялардан бири ҳисобланади.

Компания 100 дан ортиқ мамлакатда 1000 дан зиёд лабораторияга эгалик қилади.