Афғонистонда конда юз берган кўчки оқибатида 30 киши ҳалок бўлди

Фото: AP

Афғонистоннинг Бадахшон вилоятидаги олтин конида юз берган кўчки оқибатида камида 30 ишчи ҳалок бўлди, яна 15 киши жароҳатланди. Бу ҳақда Tolo News телеканали хабар берди.

Хабар қилинишича, кўчки якшанба куни эрталаб Шапу деб номланувчи масканда содир бўлган.

Бадахшон вилояти губернатори матбуот котиби Ник Муҳаммад Назарийнинг сўзларига кўра, жароҳатланганларнинг аксарияти оғир аҳволда.