Ким Чен Ин Трамп билан иккинчи учрашувнинг мақсадини айтди

Фото: REUTERS

Шимолий Корея етакчиси Ким Чен Иннинг умид билдиришича, АҚШ президенти Дональд Трамп билан иккинчи учрашув вақтида жаҳон ҳамжамияти томонидан маъқулланадиган натижаларга эришилади. КХДР раҳбарининг сўзлари «Синьхуа» томонидан келтирилган.

Қайд этилишича, Ким Чен Ин Хитой етакчиси Си Цзиньпин билан учрашув давомида шундай баёнот берган.

Шимолий Корея етакчисининг таъкидлашича, КХДР ярим оролни ядросизлантириш бўйича ишларни давом эттиради.

«[Шимолий Корея] КХДР - АҚШ иккинчи саммити давомида халқаро ҳамжамият томонидан маъқулланадиган натижаларга эришиш учун саъй-ҳаракатларни амалга оширади», - дея қўшимча қилиб ўтган Ким Чен Ин.

Эслатиб ўтамиз, аввалроқ Ким Чен Ин Хитойга ким билан келгани маълум қилинганди.