Аргентина венесуэлалик амалдорлар учун мамлакатга киришни тақиқлади

Аргентина ҳукумати «Лима гуруҳи» давлатлари томонидан Венесуэлага қарши қабул қилинган чораларни амалга киритмоқда. Хусусан, улар Венесуэладан бўлган юқори мансабдор амалдорларнинг Аргентинага ташрифини тақиқлайди, дея хабар беради РИА «Новости».

Баёнотда айтилишича, бу чоралар Венесуэлада конституциявий тузум ва қонун устуворлиги «бузилгани» туфайли қабул қилинди.

«Аргентина ҳукумати хабар берадики, Венесуэла ҳукумати ушбу мамлакат дипломатик ва хизмат паспортлари эгалари учун визасиз кириш тўғрисидаги битим тўхтатилиши борасида хабардор этилди», - дейилади баёнотда.

Шунингдек, баёнотда таъкидланишича, венесуэлалик юқори мартабали амалдорлар энди Аргентинага ташриф буюра олмайди.

Эслатиб ўтамиз, аввалроқ Парагвай Венесуэла билан дипломатик алоқаларни узганди.