Халқ депутатлари Паст Дарғом туман кенгашининг навбатдаги ташқари сессияси бўлиб ўтди. Бу ҳақда Самарқанд вилояти ҳокимлиги хабар бермоқда.
Қайд этилишича, сессияда ташкилий масала кўрилган.
Баҳодир Сафиюллаевич Саъдуллаев ўз аризасига биноан Паст Дарғом тумани ҳокими вазифасидан озод этилган. Шу пайтгача вилоят ҳокимининг иқтисодиёт ва тадбиркорлик масалалари бўйича биринчи ўринбосари вазифасида фаолият кўрсатган Шунқор Фармонович Худойбердиев Паст Дарғом тумани ҳокими этиб тайинланди.
Эслатиб ўтамиз, Баҳодир Саъдуллаев 2018 йилнинг 1 август куни Паст Дарғом тумани ҳокими лавозимида ишлаб келган Собир Эргашев ўрнига туман ҳокими вазифасини бажарувчи этиб тасдиқланганди.
