Наманганда фоҳишалар яшовчи жойлар йўлакларига камералар ўрнатилди

Наманганда видеокузатув камераларини ўрнатиш давом этмоқда, деб хабар берди шаҳар ҳокимлиги матбуот хизмати.

Ҳокимлик матбуот хизмати хабарига кўра, видеокамералар ички ишлар органлари рўйхатига тушган фоҳишалар яшовчи жойлар йўлакларида ўрнатилган.

Бундан ташқари, видеокамералар кўнгилочар масканлар, компьютер клублари, шунингдек, спиртли ичимликлар сотиладиган дўконларда ҳам ўрнатилди.

«Камералар бир кунда 24 соат ишлайди», - дея қайд этиб ўтишган ҳокимлик матбуот хизматидан. 

Камералар иши учун Наманган вилояти ИИБ жавоб беради.

Эслатиб ўтамиз, аввалроқ фоҳишалик учун жарима миқдори оширилгани хабар қилинганди.