Туркия Ғарб давлатларини жангариларни қўллаб-қувватлашда айблади

Қатор Ғарб давлатлари Россия ва Туркиянинг Идлиб бўйича келишуви амалга ошишига халақит бериш учун "Ҳайят Таҳрир аш-Шом" гуруҳи террорчиларини қўллаб-қувватламоқда. Бу ҳақда Туркия ташқи ишлар вазири Мевлут Човушўғлу Demiroren агентлигига берган интервьюсида маълум қилди.

"Айрим Ғарб давлатлари Идлиб бўйича меморандумни бузиш учун "Ҳайят Таҳрир аш-Шом" жангариларини қўлламоқда. Уларга пул бермоқда, қўллаб-қувватламоқда, - деди у. – Мен "Ҳайят Таҳрир аш-Шом" ўз мавқеини мустаҳкамламоқда деб ўйламайман. Улар Суриянинг маълум ҳудудларидан кетишга мажбур бўлишди, ҳозир эса яна қайтишга уринишмоқда".

Шу билан бирга Човушўғлу террорчиларни айнан қайси давлатлар қўллаб-қувватлаётганига аниқлик киритмади.