Венесуэла БААга 15 тонна олтин сотишни режалаштирмоқда – ОАВ

Фото: Getty Images

Венесуэла марказий банки яқин орада БААга 15 тонна олтин сотишни мўлжалламоқда. Бу ҳақда Каракасдаги юқори лавозимли шахсга иқтибос келтирган ҳолда Reuters ахборот агентлиги хабар берди.

Таъкидланишича, БАА олтин учун еврода нақд пул тўлайди. Битим қиймати ҳозирча номаълум. Каракас умумий ҳисобда хорижга 29 тонна олтин сотишни режалаштирмоқда.

Ҳозирда Венесуэлада сиёсий инқироз давом этмоқда. Парламент спикери, мухолифатчи Хуан Гуайдо ўзини вақтинчалик президент деб эълон қилган. Уни АҚШ ва минтақа ҳамда дунёнинг бошқа бир қатор давлатлари қўллаб-қувватлаган.

Тайёрлаган Шуҳрат Раҳимов

#БАА #Венесуэла #олтин

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди